民政及青年事局表示，為應對颱風來襲，民政事務總署、18區民政事務處及其他政府部門，包括渠務署、食環署、土木工程拓展署、警務處、消防處等已提早做好準備，特別關注容易受海水倒灌同海水淹浸嘅低窪地區。

民青局局長麥美娟到鯉魚門視察各項預防風暴潮設施，了解渠務署人員安裝擋水板及沙包工作，以及聽取食環署人員介紹清理渠道安排。民青團隊其後亦聯同區議員同關愛隊，向鯉魚門商戶及住戶派發傳單，提醒市民留意最新天氣資訊，有需要時候可以找民政處、區議員及關愛隊求助。

大澳是另一個容易受風暴潮影響嘅地區，民政事務總署長聯同離島區民政事務專員、離島大嶼山關愛隊及大澳鄉事委員會亦去到大澳視察，離島民政處已局部啟動「大澳嚴重水浸緊急應變計劃」，預防措施包括有最新安裝的透明防洪牆、裝置擋水板、清理渠道及向居民提供沙包等，務求將水浸嘅風險同影響減至最低。

民政事務總署緊急事故熱線（2572 8427）已開始24小時運作，各區關愛隊亦會做好準備，支援臨時庇護中心運作，協助受影響居民。