美聯物業15個指標屋苑周末周日預約睇樓量約507組，按星期回落約5%，結束8個周末升勢；中原地產十大屋苑周末預約睇樓量460組，按星期跌3.6%。

美聯物業住宅部行政總裁布少明表示，美國恢復減息，香港主要銀行跟隨下調最優惠利率，利好樓市，但潛在買家同賣家擔心強烈熱帶風暴米娜，可能帶來惡劣天氣，都無心睇樓。

布少明又預計，新盤周末兩日交投或不足100宗，按星期減半，但如果再下一個周末天氣好轉，睇樓量同成交都有望反彈。